Bali Prelude

 

Bali.

Pangarap lang yan dati. Parang pagkakaroon ng jowa. Posible pero mahirap marating.

Budget wise, hindi mura sa Bali. Pero it did not stop me  from wishing, kailangang maging reality ito. So, I started na magipon. kumonti ang kapeng iniinom ko. Nabawasan ang pagkain sa labas. Hindi na din ako lumalabas kasama ang ibang kaibigan for a night out. In short naging boring ako. ahahaha. Pero MUST ito. sabi nga ng isang kaibigan, Lahat ng tao may isinasakripisyo. at eto ang sa akin.

Matapos ang Yogjakarta, gumising kami ng pagka aga aga dahil sa maagang flight papuntang Bali. 6am ang flight mga te! napaka unforgiving ng oras na yan! maga maga pa ang fez namin kumembot na kami sa Airport.

Ang Adisutjipto Airport sa Yogja ay parang Kalibo Airport lang. Provinvial ang dating. walang yosi area! nakakaloka. at ang matindi nito konti lang ang choices pagdating sa foodang. Pero dahil papunta na ako sa aking pangarap, that did not faze me. Ang hindi ko matake eh ang madelay ang flight ng mahigit isang oras! jeskelerd! Ok sana kung may gwapo pero wala mga te! WALA! may shortage yata ng araw na yun! mabaliwbaliw akong naghintay. wala na akong magagawa sa mga fez ng mga tao dun. ahahahaha.

And finally tinawag na ang flight ko! Napasigaw ako. OO, narelive ko ang moment n g pumasok ako sa top 10 ng Miss Universe! Nag trot na ako papunta sa chenes. umakyat ng eroplano at umupo sa aking upuan. Mayamaya may biglang kumalabit sa akin. Foreigner, may hitsura. TYPE!!!! sabi nya Excuse me? sabi ko Yes? bigla syang lumuhod, OMG!!! ang bilis bilis ni koya! MAGPROPROPOSE NA AGAD!  may dinukot sa kanyang bulsa. JESKELERD hindi ako FREFARED!!!!!!

nakangiti nyang sinabi na You are in my seat sabay tali sa kanyang sintas. Pakshet! ang shunga ko lang! so I excused myself at umupo sa tamang upuan sa likod lang nya. Ang shungaers lang talaga. pagkaupo ko biglang tingin nya sa akin, hindi na ako nag assume so I just gave him my sweetest smile. ahahahahaha.

after sometime I think mga one hour nasa BALI na ako! gusto kong mag pirouette sa tuwa! dali dali kong kinuha ang aking hand carry at naghintay sa aking check in baggage. nag makuha ko na ang mahiwagang bagahe nagslide na ako papunta sa exit, ng malapit na ako sa exit bigla akong tumalon and I gave everybody a combination. triple toe loop and triple flip. Yes, ako ay isang world champion figure skater/beauty queen. CHAROT! ahahaha. and then I realized, ASAN ANG MGA KASAMA KO?

Welcome to BALI.